मिति २०७८ मंसिर ४ गते नौकुण्ड गाउँपालिकाले १० औं (बिशेष) गाउँसभा सम्पन्न गरेको छ । गाउँसभाको उद्घाटन गाउँपालिका अध्यक्ष श्री नुर्बु स्याङबो घलेज्यू बाट भएको थियो । बिशेष गाउँसभामा गाउँपालिका उपाध्यक्ष श्री सिर्जना लामा,प्रमुख प्रशासकीय अधिकृत श्री नेत्रराज गिरी लगायत, सम्पूर्ण वडाका निर्वाचित सभा सदस्यहरु,गाउँपालिकाका सम्पूर्ण कर्मचारीहरु लगायत स्थानीय समुदायका मानिसहरुको सहभागिता रहेको थियो । यस पटक नौकुण्ड गाउँपालिकाले बिशेष गाउँसभा नौकुण्ड गाउँपालिकाको पर्यटकिय स्थल लारच्ङटार मैदानमा आयोजना गरेको थियो,यसले गाउँपालिकाको आन्तरिक तथा बाह्य पर्यटनलाई प्रर्बद्धन गर्न टेवा पुग्ने बिश्वास लिईएको छ । बिशेष गाउँसभा ले १ करोड ६६ लाख बराबरको बिभिन्न शिर्षक अन्र्तगतका लोकील वेगरपानी जुरेढुंगा पर्यटन प्रवर्धन डि.पि.आर, विपत ब्यबस्थापन कोष लगायतका कार्यक्रमहरु स्वीकृत गरेको छ । यसका अलावा गाउँपालिकाले पूर्णिमा कार्यक्रमको प्राविधिक सहयोगमा निर्माण भएको पञ्त्र वर्षिय आबधिक बिकास योजनाको मस्यौदालाई स्वीकृत गर्ने निर्णय समेत गरेको छ । उक्त कार्यक्रममा यस पालिकालाई आफ्नो अमूल्य साथ र सहयोग पुर्याउनु भएका तपसिलका व्यक्तित्वहरुलाई सम्मान गरियो ।

• १. सज्जन घले ( मनास्लु हिमाल KILLER MOUNTAIN को सफल आरोहण गर्ने नौकुण्ड गाँउपालिकाको पहिलो व्यक्ति)
• २.गेहेन्द्र बम (पूर्णिमा कार्यक्रम - योजना तथा सुशासन सल्लाहकार)
• ३. पवन कुमार डंगोल (पूर्णिमा कार्यक्रम - फोकल इन्जिनियर)
• ४. दिल बहादुर तामाङ (इन्जिनियर)
• ५.कृष्ण प्रसाद देवकोटा (निजामती सेवामा ५८ वर्ष पूरा गरी सेवा निवृत्त हुनु भएका)
• ६.राजु श्रेष्ठ (सहायक चौथो)
• ७. प्रतीक्षा रिजाल (सहायक चौथो)
• ८. सन्त बहादुर वाईवा (सहायक चौथो)
• ९. सुरेश तामाङ (सहायक चौथो)